आन्तरिक रोजगारी सिर्जना र व्यावसायिक सुरक्षा सरकारको प्राथमिकता: मन्त्री रामजी यादव

युवा, श्रम तथा रोजगारमन्त्री रामजी यादवले नयाँ कानुन र नीति निर्माण गरी स्वदेशमै रोजगारीका अवसर सिर्जना गर्नु सरकारको प्राथमिकता रहेको बताउनुभएको छ। सप्तरीको रूपनी गाउँपालिकास्थित गजेन्द्र नारायण सिंह औद्योगिक क्षेत्रमा आयोजित श्रमिकहरूको व्यावसायिक सुरक्षा तथा स्वास्थ्यसम्बन्धी कार्यक्रममा उहाँले आन्तरिक रोजगारीलाई प्रवर्द्धन गर्नुपर्नेमा जोड दिनुभयो। श्रम तथा रोजगार कार्यालय मधेश प्रदेशद्वारा आयोजित उक्त कार्यक्रममा मन्त्री यादवले वैदेशिक र आन्तरिक रोजगारीलाई सँगसँगै लैजानुपर्ने आवश्यकता औँल्याउनुभयो।