सप्तरीका तीन सडकको ठेक्का एक साताभित्र लगाइने मन्त्री रामजी यादवको प्रतिबद्धता

युवा, श्रम तथा रोजगारमन्त्री रामजी यादवले सप्तरीका तीनवटा जीर्ण सडकको निर्माणका लागि एक साताभित्र ठेक्का प्रक्रिया सुरु गर्ने प्रतिबद्धता जनाउनुभएको छ। आफ्नो गृह जिल्ला पुग्नुभएका मन्त्री यादवले राजविराज–छिन्नमस्ता, राजविराज–रूपनी र राजविराज–हनुमाननगर–भारदह सडकको अधुरो काम तत्काल अघि बढाइने बताउनुभयो। स्थानीय बासिन्दाले सडकको दुरावस्थाका कारण भोग्नुपरेको समस्याबारे गुनासो गरेपछि उहाँले यस्तो आश्वासन दिनुभएको हो।