बाढी प्रभावितका लागि नयाँ सहर बनाउने मन्त्री सुनिल लम्सालको घोषणा

भौतिक पूर्वाधार विकासमन्त्री सुनिल लम्सालले बाढी प्रभावित नागरिकका लागि नयाँ सहर विकास गर्ने योजना रहेको बताउनुभएको छ। प्रतिनिधिसभाको पूर्वाधार समिति बैठकमा बोल्दै मन्त्री लम्सालले बाढीले क्षतिग्रस्त बनाएका स्थानमै पुनः बस्ती बसाल्न असम्भव रहेको उल्लेख गर्नुभयो। उहाँले रसुवाको भोटेकोशी नदी क्षेत्रमा जनजीवन सामान्य बनाउन र पुनर्स्थापनाका लागि सरकारले फास्ट ट्र्याकमा काम गरिरहेको जानकारी दिनुभयो।

पूर्वाधार विकासमन्त्री सुनिल लम्सालले रसुवाको भोटेकोशी बाढीबाट प्रभावित नागरिकका लागि सरकारले नयाँ ‘टाउनसिप’ बनाउने योजना अघि सारेको बताउनुभएको छ। सोमबार सिंहदरबारमा बसेको पूर्वाधार विकास समितिको बैठकमा बोल्दै मन्त्री लम्सालले जोखिमयुक्त पुरानै स्थानमा बस्ती बसाल्न असम्भव भएकाले नयाँ सहरको अवधारणा ल्याइएको जानकारी दिनुभयो। उहाँले बाढीबाट क्षतिग्रस्त सडक सञ्जाल र पूर्वाधार पुन:स्थापनाका लागि सरकारले फास्ट ट्र्याकमा काम गरिरहेको समेत बताउनुभयो।