लोक सेवा आयोगको नतिजा तत्काल प्रकाशन गर्न सर्वोच्च अदालतको आदेश

सर्वोच्च अदालतले लोक सेवा आयोगलाई निजामती सेवाको प्रशासन सेवा, सामान्य प्रशासन समूह (राजपत्राङ्कित द्वितीय श्रेणी) को अन्तिम नतिजा तत्काल प्रकाशन गर्न अन्तरिम आदेश दिएको छ। न्यायाधीश सुनिलकुमार पोखरेलको एकल इजलासले परीक्षा प्रक्रिया पूरा भइसकेपछि नतिजा रोक्नु कानुनसम्मत नभएको ठहर गरेको हो। मनबहादुर थापालगायतले लोक सेवा आयोगको केन्द्रीय कार्यालयविरुद्ध दायर गरेको रिटमा सुनुवाइ गर्दै अदालतले उक्त आदेश जारी गरेको हो।