एमाले नेतृ मोहनमाया ढकालद्वारा पार्टी एकता र स्थानीय तह निर्वाचनको तयारीमा जोड

नेकपा एमालेकी केन्द्रीय सदस्य मोहनमाया ढकालले आगामी स्थानीय तहको निर्वाचनका लागि पार्टीलाई एकताबद्ध बनाउन आग्रह गरेकी छिन्। काठमाडौंमा जारी पार्टीको तेस्रो केन्द्रीय कमिटी बैठकमा अध्यक्षको प्रतिवेदनमाथि धारणा राख्दै उनले फागुनको निर्वाचनले पार्टीलाई ठूलो धक्का दिएको र त्यसको परकम्प अझै बाँकी रहेको बताइन्। उनले स्थानीय तहको चुनावमा आउन सक्ने चुनौतीहरूको सामना गर्न आजैदेखि पार्टीको सामर्थ्य बढाउनुपर्नेमा जोड दिएकी छिन्।