प्रवासी नेपालीका माग सम्बोधन गर्न एमाले सकारात्मक हुनुपर्ने डा. भीष्म अधिकारीको भनाइ

ललितपुरमा जारी नेकपा एमालेको केन्द्रीय कमिटीको तेस्रो बैठकमा केन्द्रीय सदस्य डा. भीष्म अधिकारीले विदेशमा रहेका नेपालीका माग सम्बोधन गर्न पार्टी सकारात्मक हुनुपर्नेमा जोड दिएका छन्। उनले वैदेशिक रोजगारी, अध्ययन र व्यवसायका लागि विदेशिएका नेपालीहरूको ठूलो संख्या रहेकाले उनीहरूलाई वंशजको नागरिकता दिन पार्टी गम्भीर हुनुपर्ने बताए। अधिकारीले गत निर्वाचनमा डायस्पोरामा रहेका नेपालीले घर-घरमा प्रभाव पारेको उल्लेख गर्दै उनीहरूसँगको सम्बन्ध सुधार्न माग गरे।