काठमाडौँ उपत्यकाबाट खैरो हेरोइन र औषधिसहित पाँच जना पक्राउ

लागुऔषध नियन्त्रण व्यूरो र प्रहरी वृत्त थानकोटको संयुक्त टोलीले काठमाडौँ उपत्यकाका विभिन्न स्थानबाट खैरो हेरोइन तथा डाइजेपाम, फेनारगन, बुप्रेनोर्फिन र ट्रामाडोलजस्ता औषधिसहित पाँच जनालाई पक्राउ गरेको छ । पक्राउ पर्नेमा चन्द्रागिरि नगरपालिका–६ का ३४ वर्षीय विक्रम घले, मकवानपुरको थाहा नगरपालिका–१२ का २४ वर्षीय विजय तामाङ, काभ्रेपलाञ्चोकको बेथानचोक गाउँपालिका–६ का ३४ वर्षीय गणेश लामा, मकवानपुरको राक्सिराङ गाउँपालिका–२ का ३३ वर्षीय ललितबहादुर स्याङ्तान र सिन्धुलीको हरिहरपुर नगरपालिका–११ का ३२ वर्षीय रत्न तामाङ छन् । उनीहरूबाट ३.१० ग्राम खैरो हेरोइन बरामद भएको छ ।