मन्त्री पुनद्वारा विधि विज्ञान प्रयोगशाला अत्याधुनिक र स्वायत्त बनाउने प्रतिबद्धता

विज्ञान, प्रविधि तथा नवप्रवर्तनमन्त्री महावीर पुनले राष्ट्रिय विधि विज्ञान प्रयोगशालालाई राजनीतिक हस्तक्षेपमुक्त, स्वायत्त र अत्याधुनिक संस्थाका रूपमा विकास गर्ने प्रतिबद्धता व्यक्त गरेका छन्। राष्ट्रिय सभाको शुक्रबारको बैठकमा बोल्दै उनले राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ को आवश्यकता र महत्वबारे प्रस्ट पारे। लामो समय गठन आदेशका भरमा नाममात्रको प्रयोगशालाका रूपमा सञ्चालित संस्था अब ऐनमार्फत व्यवस्थित संरचनामा जाने उनले बताए।