दसैँ–तिहारमा हवाई भाडा बढाइएको भन्दै रास्वपा सांसद प्रसाईँको संसदमा आपत्ति

राष्ट्रिय स्वतन्त्र पार्टी (रास्वपा) का सांसद रमेश प्रसाईँले दसैँ–तिहारको समयमा हवाई टिकटको मूल्य अत्यधिक बढाइएको भन्दै प्रतिनिधिसभाको बैठकमा आपत्ति जनाएका छन्। उनले चाडपर्वका बेला यात्रुको चाप बढ्ने मौका छोपेर एयरलाइन्स कम्पनीहरूले मनपरी भाडा असुल्ने गरेको आरोप लगाए। धनगढीको एकतर्फी टिकट १६ हजार रुपैयाँसम्म र झापाको भद्रपुरको टिकट १२ हजार रुपैयाँसम्म पुगेको उनले बताए। साथै उनले पर्यटनमन्त्रीलाई यस विषयमा रमिते नबन्न भनेका छन्।