मल व्यवस्थापनमा मन्त्रालय गम्भीर रहेको मन्त्री चौधरीको दाबी

कृषि, वन तथा पर्यावरणमन्त्री गीता चौधरीले रासायनिक तथा प्राङ्गारिक मल व्यवस्थापनमा मन्त्रालयले गम्भीरताका साथ काम गरिरहेको बताएकी छन्। बिहीबार सिंहदरबारमा बसेको प्रतिनिधिसभा अन्तर्गतको कृषि तथा प्राकृतिक स्रोत समितिको बैठकमा बोल्दै उनले रासायनिक मलको आपूर्ति व्यवस्थित बनाउन र प्राङ्गारिक मलका लागि स्पष्ट कार्यविधि तयार पार्न विभिन्न समितिहरूले काम गरिरहेको जानकारी दिइन्। साथै कृषि तथा वन क्षेत्रलाई उद्योग र बजारसँग जोड्ने गरी सरकारले नीतिगत तयारी अघि बढाइरहेको उनले बताइन्।