म्यादी प्रहरीको पोशाक खरिद अध्ययन गर्न मनिष झा संयोजकत्वमा समिति गठन

म्यादी प्रहरीको पोशाक खरिद सम्बन्धमा अध्ययन गर्न मनिष झाको संयोजकत्वमा समिति गठन भएको छ। रास्वपा सांसद खगेन्द्र सुनारले म्यादी प्रहरीको युनिफर्म खरिदमा भ्रष्टाचार भएको भन्दै समिति र प्रतिनिधि सभामा लगातार आवाज उठाउँदै आएका थिए। शुक्रबारको सार्वजनिक लेखा समितिको बैठकमा बोल्दै सांसद सुनारले कपडा खरिद प्रकरणमा समितिको मौनताप्रति प्रश्न उठाउँदै घटनाको गहन अनुसन्धान गर्न माग गरेका छन्।