परराष्ट्रमन्त्री खनालद्वारा काठमाडौं क्लाइमेट सप्ताह उद्घाटन, हानि–नोक्सानी कोष सुधारको आग्रह

परराष्ट्रमन्त्री शिशिर खनालले शुक्रबार काठमाडौंमा काठमाडौं क्लाइमेट सप्ताह उद्घाटन गर्दै हानि–नोक्सानी कोष प्रशासनिक तथा प्रक्रियागत झन्झटमा अल्झिन नहुने बताएका छन् । विपद् आइपर्दा तत्कालै रकम उपलब्ध गराउन सकिने गरी नयाँ अनुदान रकममार्फत कोषलाई पूर्ण रूपमा पुँजीकृत गरिनुपर्ने उनको धारणा छ । जलवायु जोखिम धान्न सक्ने पूर्वाधार, जस्तै राजमार्ग र पुल, निर्माण गर्नुपर्ने तथा हिमनदी र हिमतालको तथ्याङ्कलाई तत्काल पूर्वसूचना प्रणालीमा जोड्नुपर्ने उनले बताए ।