कन्टेन्ट क्रिएटर सुजाता श्रेष्ठले ब्रान्डको भुक्तानी नगर्ने प्रवृत्तिको आलोचना गरिन्

कन्टेन्ट क्रिएटर तथा कमेडियन सुजाता श्रेष्ठले काम लगाएर महिनौँसम्म पारिश्रमिक नदिने ब्रान्ड, एजेन्सी तथा रियालिटी शो आयोजकहरूप्रति सार्वजनिक आक्रोश व्यक्त गरेकी छन् । सामाजिक सञ्जालमा भिडियो र अडियो सार्वजनिक गर्दै उनले फ्रिलान्सर, भिडियो क्रिएटर र पडकास्टरहरूलाई काम लगाएर भुक्तानीमा वर्षौं झुलाउने प्रवृत्तिको विरोध गरेकी हुन् । ब्रान्डहरूले आफूजस्ता कन्टेन्ट क्रिएटरलाई हेपाहा व्यवहार गरेको उनको गुनासो छ । यस्तै कारणले मान्छेले देश छाड्ने अवस्था आएको भन्दै उनले आफू पनि विदेशिने सोचमा रहेको बताएकी छन् ।