बेनी–जोमसोम सडक अवरुद्ध हुँदा मुस्ताङमा इन्धन अभाव

असोज ८ गतेदेखि ११ गतेसम्मको भारी वर्षा र त्यसबाट उत्पन्न बाढीपहिरो तथा नदी कटानका कारण राष्ट्रिय गौरवको बेनी–जोमसोम सडकमार्ग ६ दिनदेखि पूर्ण रूपमा अवरुद्ध छ । सडक अवरुद्ध हुँदा मुस्ताङमा इन्धन ढुवानीमा बाधा पुगेसँगै पेट्रोलियम पदार्थको अभाव हुन थालेको छ । यसका कारण बेनी–जोमसोम–कोरला सडक तथा सङ्घीय, प्रादेशिक र स्थानीय तहका विकास निर्माण योजनाका काम प्रभावित भएका छन् ।