सहकारी ऋणीबाट कर्जा असुली न्यायाधिकरणद्वारा ११ करोड असुली

सरकारले विभिन्न सहकारी संस्थाको कर्जा असुलीलाई तीव्रता दिएको छ। कर्जा असुली न्यायाधीकरण कार्यालयमार्फत चालु आर्थिक वर्षको असोज १५ गतेसम्म २७ वटा मुद्दाको मिलापत्र र फैसला कार्यान्वयनबाट सहकारी संस्थाहरूको करिब ११ करोड रुपैयाँ कर्जा असुली भएको छ। तोकिएको समयमा वा भाका नाघ्दासमेत सावाँ–ब्याज नतिर्ने ऋणीबाट यो रकम असुली गरिएको कार्यालयले जनाएको छ।

सरकारले विभिन्न सहकारी संस्थाका ऋणीबाट कर्जा असुलीलाई तीव्रता दिएको छ। कर्जा असुली न्यायाधिकरण कार्यालयमार्फत तोकिएको समयमा वा भाका नाघ्दासमेत सावाँ-ब्याज नतिर्ने ऋणीबाट कर्जा असुली गरिएको हो। कार्यालय प्रमुख अच्युत श्रेष्ठका अनुसार चालु आवको असोज १५ गतेसम्म विभिन्न २७ वटा मुद्दाको मिलापत्र र फैसला कार्यान्वयनबाट सहकारी संस्थाहरूको करिब ११ करोड रुपैयाँ कर्जा असुली भएको छ। गत वर्ष असार २५ गते स्थापना भएको उक्त कार्यालयले कर्जा असुलीसम्बन्धी मुद्दा हेर्दै आएको छ।