कांग्रेसको १५औँ महाधिवेशन टुँडिखेलमा उद्घाटन हुँदै

नेपाली कांग्रेसको १५औँ महाधिवेशन काठमाडौंको टुँडिखेल खुलामञ्चमा हुँदैछ, जसको उद्घाटन भोलि असोज १८ गते दिउँसो २ः०० बजे हुनेछ। यो स्थल पार्टीका संस्थापक एवं प्रथम जननिर्वाचित प्रधानमन्त्री बिपी कोइरालाले निर्वासनबाट स्वदेश फर्किएपछि पहिलो सार्वजनिक सम्बोधन गरेको ऐतिहासिक ठाउँ हो। सोही टुँडिखेलमा कांग्रेसका अर्का संस्थापक नेता गणेशमान सिंहले निरंकुश सत्ताको अन्त्य गर्ने २०४६ सालको सफल जनआन्दोलनको नेतृत्व गरेका थिए।