१५औँ महाधिवेशनले तीन पुस्ताको एकता गराउँछ : इन्द्रबहादुर बानियाँ

नेपाली कांग्रेसको १५औँ महाधिवेशनको उद्घाटन सत्रलाई सम्बोधन गर्दै बागमती प्रदेशका मुख्यमन्त्री तथा कांग्रेस बागमती प्रदेश सभापति इन्द्रबहादुर बानियाँले महाधिवेशनले मुलुकको राजनीतिलाई नयाँ दिशा दिने र पार्टीभित्र तीन पुस्ताको व्यवस्थापन गर्दै देशलाई समृद्धिको बाटोमा अघि बढाउने बताएका छन्। नेपाल बदल्न कांग्रेस बदल्नुपर्ने उनको भनाइ छ। तीन पुस्ताको मिलन नै आजको आवश्यकता रहेको उल्लेख गर्दै उनले पार्टीलाई थप सुदृढ र एकताबद्ध बनाउन ठुलो छाती बनाएर अघि बढ्नुपर्ने बताए।