दसैँअघि सडक मर्मत गर्न खोटाङ विपद् व्यवस्थापन समितिको निर्देशन

खोटाङ जिल्ला विपद् व्यवस्थापन समितिले दसैँअघि जिल्लाका सबै सडक मर्मत गरी यातायात सञ्चालनयोग्य बनाउन स्थानीय तह र सम्बन्धित कार्यालयलाई निर्देशन दिएको छ। आउँदो दसैँ, तिहार तथा छठ पर्वमा यात्रुलाई आवागमनमा सहजता पुर्‍याउने उद्देश्यले यस्तो निर्णय गरिएको हो। वर्षाका कारण ग्रामीण सडक अवरुद्ध हुने गरेकाले चाडपर्वअघि सडक मर्मतलाई प्राथमिकता दिन समितिले आग्रह गरेको छ। प्रमुख जिल्ला अधिकारी एवं समितिका संयोजक महेशकुमार गुरुङका अनुसार मध्यपहाडी लोकमार्गबाहेक सबै सडक सञ्चालनमा ल्याइनेछ।