मानिसमा सर्ने अधिकांश रोगको स्रोत पशु रहेको हेटौँडा निर्देशनालयको भनाइ

पशु तथा मत्स्य विकास निर्देशनालय हेटौँडाले मानिसमा सर्ने अधिकांश रोगको स्रोत पशु रहेको जनाएको छ। निर्देशनालयका वरिष्ठ पशु विकास अधिकृत डा सन्तोष घिमिरेका अनुसार हरेक वर्ष मानिसमा पाँच वटा नयाँ रोग भेटिने गरेकामा तीमध्ये तीन वटा रोग पशुबाट उत्पत्ति हुने गरेको पाइएको छ। मानिसमा लाग्ने सङ्क्रामक रोगमध्ये ६० प्रतिशत जुनोटिक रहेको निर्देशनालयले जनाएको छ। यो जानकारी चितवनमा दिइएको हो।