स्थानीय चुनावपछि महाधिवेशनको नयाँ कार्यतालिका ल्याउने नेकपाको तयारी

नेपाली कम्युनिस्ट पार्टी (नेकपा) ले स्थानीय तहको निर्वाचनपछि महाधिवेशन गर्नेगरी नयाँ कार्यतालिका ल्याउने तयारी गरेको छ। मंसिरमा महाधिवेशन सम्भव नहुने निष्कर्ष निकाल्दै नेकपाले यसअघि मंसिर ११ गतेदेखि १५ गतेसम्म काठमाडौंमा गर्ने भनिएको महाधिवेशनको कार्यतालिका प्रभावित भइसकेको जनाएको छ। नेकपाका संयोजक पुष्पकमल दाहाल प्रचण्डले २३ गते बिहान ११ बजे केन्द्रीय कार्यालय पेरिसडाँडामा बस्नेगरी केन्द्रीय कार्यसंयोजन समितिको बैठक बोलाउनुभएको छ। प्रवक्ता प्रकाश ज्वालाका अनुसार बैठकमा समसामयिक राजनीतिक घटनाक्रम र पार्टी महाधिवेशनबारे छलफल हुनेछ।