दसैँका लागि जोमसोममा एक हजारभन्दा बढी भेडाच्याङ्ग्रा आइपुगे

दसैँ पर्व नजिकिएसँगै मुस्ताङमा भेडाच्याङ्ग्राको व्यापारिक चहलपहल सुरु भएको छ । माथिल्लो डोल्पाबाट एक हजारभन्दा बढी भेडाच्याङ्ग्रा शनिबार साँझ जोमसोम आइपुगेका छन् । डोल्पाका व्यापारी शेरबहादुर रोकायाका अनुसार उनलाई जोमसोम आइपुग्न एक साताभन्दा बढी समय लागेको थियो । उपल्लो मुस्ताङबाट पनि शनिबारसम्म भेडाच्याङ्ग्रा जोमसोम आइपुग्ने बताइएको छ ।