जनकपुरधामको पोखरीमा एक पुरुषको शव फेला

धनुषाको जनकपुरधाम उपमहानगरपालिका–८ स्थित दशरथ तलाउमा मंगलबार बिहान एक पुरुषको शव फेला परेको छ । जिल्ला प्रहरी कार्यालय धनुषाका अनुसार मृतकको पहिचान खुल्न सकेको छैन र उनी अन्दाजी ५० देखि ५५ वर्षका देखिन्छन् । बिहान करिब ९ः४५ बजे स्थानीयले पोखरीमा शव देखेपछि प्रहरी पुगी निकालेको हो । घटनास्थलको मुचुल्का गरी शव पोस्टमार्टमका लागि प्रादेशिक अस्पताल जनकपुरमा लगिएको छ ।