बेपत्ता छानबिन आयोग सचिवमा अच्युतमणि न्यौपाने बढुवा

मन्त्रिपरिषद्ले नेपाल न्याय सेवा, सरकारी वकिल समूहका सहन्यायाधिवक्ता अच्युतमणि न्यौपानेलाई राजपत्राङ्कित विशिष्ट श्रेणीमा बढुवा गरी बेपत्ता पारिएका व्यक्तिको छानबिन आयोगको सचिव पदमा पदस्थापन गर्ने निर्णय गरेको छ। काठमाडौंमा बसेको मन्त्रिपरिषद् बैठकको यो निर्णय सूचना तथा सञ्चारमन्त्री डा. विक्रम तिमिल्सिनाले जानकारी दिएका छन्। यसअघि प्रधानन्यायाधीश डा. मनोजकुमार शर्माको अध्यक्षतामा बसेको न्याय परिषद् बैठकले न्यौपानेको बढुवा तथा पदस्थापनका लागि सिफारिस गरेको थियो।