जलवायु नीतिमा निजी क्षेत्रको सहभागिता आवश्यक रहेको महासङ्घ अध्यक्ष श्रेष्ठको भनाइ

नेपाल उद्योग वाणिज्य महासङ्घका अध्यक्ष अञ्जन श्रेष्ठले जलवायु परिवर्तनका कारण निजी क्षेत्र, उद्योग–व्यवसाय तथा समग्र अर्थतन्त्रमा प्रतिकूल असर परिरहेको बताएका छन्। मंगलबार सिंहदरबारमा बसेको सङ्घीय संसद्को संसदीय विशेष समितिको बैठकमा उनले नेपालको वर्तमान परिस्थिति, विकासका चुनौती, हिमालय क्षेत्रमा जलवायु परिवर्तनको प्रभाव तथा जलवायु न्यायका विषयमा छलफल गरे। अध्यक्ष श्रेष्ठले निजी क्षेत्रलाई नीति निर्माण र कार्यान्वयनको प्रक्रियामा सहभागी गराउनुपर्नेमा जोड दिए।