तातोपानी नाका पुनः सञ्चालनका लागि चीनसँग निरन्तर वार्ता जारी

पूर्वाधार विकासमन्त्री सुनिल लम्सालले तातोपानी नाका पुनः सञ्चालनका लागि चीनसँग निरन्तर वार्ता भइरहेको बताएका छन्। काठमाडौंको सिंहदरबारमा असोज २० गते बसेको हिमाली क्षेत्रमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद् सम्बन्धी संसदीय विशेष समितिको बैठकमा बोल्दै मन्त्री लम्सालले नेपालतर्फ कुनै समस्या नरहेको, सडक मर्मत सम्पन्न भई नाका सञ्चालनका लागि तयार रहेको बताए। चिनियाँ पक्षसँग लगभग दैनिक रूपमा छलफल भइरहेको पनि उनले जानकारी दिए।