कृष्णभीरको पहिरो छल्न वैकल्पिक सडक निर्माण हुँदै

पृथ्वीराजमार्गअन्तर्गत मुग्लिङ–काठमाडौँ सडकखण्डको कृष्णभीरमा पहिरो जाँदा अवरुद्ध हुने समस्या छल्न वैकल्पिक सडक निर्माणको काम भइरहेको छ। चितवनको फिस्लिङदेखि धादिङको बेनीघाट जोड्ने गरी गोरखातर्फबाट नयाँ ट्र्याक खोल्ने तथा सडक स्तरोन्नतिको काम हुँदैछ। चितवनको फिस्लिङपारि गोरखातर्फको पल्लोटारदेखि सिउरेनीटार हुँदै धादिङको बेनीघाट निस्कने छोटो दूरीको सडकलाई वैकल्पिक मार्गका रूपमा स्तरोन्नति गर्न लागिएको हो। यसले पहिरोका कारण सडक अवरुद्ध हुँदा यात्रुले खेप्दै आएको सास्ती कम गर्ने अपेक्षा गरिएको छ।