शिक्षामन्त्री पोखरेलले राजर्षि जनक विश्वविद्यालयलाई मधेशको शिक्षा सुधारको नेतृत्व गर्न निर्देशन

शिक्षा, विज्ञान तथा खेलकुदमन्त्री सस्मिता पोखरेलले धनुषास्थित राजर्षि जनक विश्वविद्यालयलाई मधेश प्रदेशको शिक्षा क्षेत्रका समस्या पहिचान गरी समाधान गर्न निर्देशन दिनुभएको छ। असोज २१ गते जनकपुरधाममा बोल्दै उहाँले विश्वविद्यालयले मधेशको शिक्षा सुधारको नेतृत्व गर्नुपर्ने बताउनुभयो। विश्वविद्यालयको सह–कुलपतिको जिम्मेवारी सम्हालिरहनुभएकी मन्त्री पोखरेलले संस्थाको भ्रमणका क्रममा यस्तो धारणा राख्नुभएको हो।