कर्णालीमा प्रोत्साहन भत्ता कटौतीविरुद्ध चिकित्सक आन्दोलित

कर्णाली प्रदेश सरकारले छात्रवृत्ति करारमा कार्यरत चिकित्सक तथा स्वास्थ्यकर्मीलाई दिँदै आएको प्रोत्साहन भत्ता कटौती गरेपछि चिकित्सक तथा स्वास्थ्यकर्मीहरू आन्दोलनमा उत्रिएका छन्। विगत सात वर्षदेखि कर्णाली प्रदेशका विभिन्न अस्पतालमा कार्यरत चिकित्सकलाई प्रदान गरिएको उक्त भत्ता यस वर्षदेखि रोकिएको छ। सुर्खेत र सल्यानलगायत जिल्लामा यसको विरोध भइरहेको छ।