मध्यपहाडी लोकमार्गको कास्की खण्डमा तीन पक्की पुल निर्माण सम्पन्न

राष्ट्रिय गौरवको आयोजना पुष्पलाल (मध्यपहाडी) लोकमार्गअन्तर्गत कास्की खण्डमा तीनवटा पक्की मोटरेबल पुल निर्माण सम्पन्न भएका छन्। पोखरा महानगरपालिका–१ याम्दी खोलामा दुईवटा र अन्नपूर्ण गाउँपालिकामा एक पुल निर्माण भएको छ। पुल निर्माण सम्पन्न भएसँगै फराकिलो सडक र साँघुरो पुलका कारण लामो समयदेखि हुँदै आएको आवागमनको समस्या हटेको छ। यसले यात्रु तथा सवारीसाधनलाई आवतजावतमा सहज बनाएको छ।