तीनकुने आन्दोलन प्रकरणमा चार सुरक्षा अधिकारीविरुद्ध कारबाही सिफारिस

राष्ट्रिय मानव अधिकार आयोगले २०८१ चैत १५ मा तीनकुनेमा भएको राजावादी आन्दोलनका क्रममा सुरक्षा योजना प्रभावकारी रूपमा कार्यान्वयन गर्न नसकेको भन्दै चार सुरक्षा अधिकारीलाई विभागीय कारबाही गर्न सिफारिस गरेको छ। आयोगले मंगलबार सार्वजनिक गरेको प्रतिवेदनमा काठमाडौंका तत्कालीन प्रमुख जिल्ला अधिकारीसहित नेपाल प्रहरी र सशस्त्र प्रहरीका अधिकारीमाथि कारबाही गर्न सिफारिस गरिएको छ। कारबाही सिफारिस हुनेहरूमा काठमाडौंका तत्कालीन एसएसपी विश्व अधिकारी (हाल डीआईजी) र एसपी अपीलराज पनि रहेका छन्। प्रतिवेदनमा आन्दोलनका क्रममा म्याद नाघेका अश्रुग्यास व्यापक प्रयोग भएको उल्लेख गर्दै सुरक्षा निकायलाई स्रोतसाधनयुक्त बनाउन आयोगले भनेको छ।