दिल्लीमा विपक्षी नेताहरू पक्राउ, प्रमुख निर्वाचन आयुक्तको राजीनामा माग

भारतको राजधानी नयाँदिल्लीमा प्रमुख निर्वाचन आयुक्त ज्ञानेश कुमारको राजीनामा माग गर्दै भएको प्रदर्शनका क्रममा दिल्ली प्रहरीले दर्जनौँ विपक्षी नेताहरू र सयौँ प्रदर्शनकारीलाई नियन्त्रणमा लिएको छ। पक्राउ पर्नेहरूमा पश्चिम बङ्गालकी मुख्यमन्त्री ममता बनर्जी, आम आदमी पार्टीका राष्ट्रिय संयोजक अरविन्द केजरीवाल, केरलाका पूर्वमुख्यमन्त्री पिनरायी विजयन् तथा तृणमूल कांग्रेसका नेता डेरेक ओब्रायन र डोला सेन छन्। निर्वाचन आयोग र प्रमुख निर्वाचन आयुक्तविरुद्धको यो प्रदर्शन शनिबार भारतीय राजधानीमा भइरहेका बेला उनीहरूलाई हिरासतमा लिइएको हो।