काभ्रेको रोशीमा पहिरोले बीपी राजमार्ग अवरुद्ध

काभ्रेको रोशी गाउँपालिका–९ पिन्थलिबेसीमा पहिरो जाँदा बीपी राजमार्ग पूर्ण रूपमा अवरुद्ध भएको छ। जिल्ला प्रहरी कार्यालयका सूचना अधिकारी रबिन बिस्ताका अनुसार पहिरो पन्छाएर राजमार्गमा सवारी सञ्चालन सुरु गर्ने प्रयास भइरहेको छ। निरन्तर वर्षाका कारण पहिरो हटाउने काम प्रभावित भएको छ, र यात्रुहरूलाई बिस्ताले सडक अवस्था बुझेर मात्र यात्रा गर्न आग्रह गरेका छन्।