विश्व मानसिक स्वास्थ्य दिवसका अवसरमा आयोगद्वारा सर्वसुलभ र विभेदरहित मानसिक स्वास्थ्य सेवाको आग्रह

राष्ट्रिय मानव अधिकार आयोगले विश्व मानसिक स्वास्थ्य दिवसका अवसरमा विज्ञप्ति जारी गर्दै संविधान र प्रचलित कानुनले सुनिश्चित गरेको स्वास्थ्यको अधिकारअनुसार सर्वसुलभ, गुणस्तरीय र विभेदरहित मानसिक स्वास्थ्य सेवा सुनिश्चित गर्न सबै सरोकारवालासँग आग्रह गरेको छ । आयोगले तीनै तहका सरकारलाई यसतर्फ ध्यान दिन आग्रह गर्दै मानसिक रूपमा अस्वस्थ नागरिकको जीवन, स्वतन्त्रता, समानता र मर्यादाको अधिकार सुरक्षित हुन नसकेको चिन्ता व्यक्त गरेको छ । साथै आयोगले सबै स्थानीय तहमा मनोसामाजिक परामर्शदाता राख्न सरकारलाई आग्रह गरेको छ ।