नागरिकको विश्वास नै प्रहरीको वास्तविक शक्ति : आईजीपी कार्की

नेपाल प्रहरीका महानिरीक्षक दानबहादुर कार्कीले प्रहरीको वास्तविक शक्ति कानुनले दिएको अधिकारमा मात्र नभई नागरिकले प्रदान गर्ने विश्वासमा निहित रहेको बताएका छन् । सोमबार काठमाडौंमा प्रहरी निरीक्षक आधारभूत तालिमको १८४औँ समूहको दीक्षान्त समारोहलाई सम्बोधन गर्दै उनले प्रहरी संगठनलाई प्रविधिमैत्री, पारदर्शी र पूर्ण व्यवसायिक बनाउनुपर्नेमा जोड दिए । साइबर अपराध, अन्तरदेशीय अपराध र विपद् व्यवस्थापनजस्ता चुनौतीको सामना गर्न आधुनिक प्रविधि तथा कृत्रिम बुद्धिमत्ताको आवश्यकता रहेको उनले औंल्याए ।