प्रहरी प्रमुख कार्कीले पदीय दुरुपयोग नगर्न निरीक्षकहरूलाई निर्देशन

नेपाल प्रहरीका महानिरीक्षक दानबहादुर कार्कीले जनताप्रतिको कर्तव्य पूरा गर्ने जिम्मेवारी पाएका राष्ट्रसेवक प्रहरीले पदीय दुरुपयोग गर्न नहुने बताएका छन्। काठमाडौँको महाराजगन्जस्थित राष्ट्रिय प्रहरी प्रतिष्ठानमा आयोजित कार्यक्रममा बोल्दै उनले व्यक्तिगत स्वार्थ, अनुचित प्रभाव र पदीय अधिकारको दुरुपयोगले प्रहरी सङ्गठन नै बदनाम हुने हुँदा त्यसतर्फ हेक्का राख्न आग्रह गरे। उनले पदीय मर्यादा र व्यावसायिक निष्ठामा सम्झौता नगर्न पनि निर्देशन दिए। यो निर्देशन प्रहरी निरीक्षक आधारभूत तालिम १–१८४औँ समूहको कार्यक्रममा दिइएको हो।