थाइल्यान्डको भिसा ढिलाइप्रति नाट्टाको आपत्ति, प्याकेज बिक्री रोक्ने चेतावनी

नेपाल एसोसिएसन अफ टुर एन्ड ट्राभल एजेन्ट्स (नाट्टा)ले थाइल्यान्डको भिसा प्रक्रियामा तत्काल सुधार नभए नयाँ पर्यटकीय प्याकेजको बिक्री, प्रचारप्रसार तथा समूहगत भ्रमणका गतिविधि स्थगित गर्न बाध्य हुने चेतावनी दिएको छ । भिसा प्रक्रियामा देखिएको ढिलाइ र झन्झटिलो व्यवस्थाका कारण नेपाली पर्यटक तथा पर्यटन व्यवसायीको ठूलो रकम जोखिममा परेको नाट्टाले जनाएको छ । २६ असोजमा नाट्टाले भिसा प्रक्रियामा सहजता नल्याए थाइल्यान्डका लागि पर्यटकीय प्याकेज बन्द गर्ने चेतावनी दिएको हो ।

थाइल्यान्डको पर्यटक भिसा प्रक्रियामा देखिएको ढिलाइ र अव्यावहारिक झन्झटका कारण नेपाली यात्रु तथा पर्यटन व्यवसायी ठूलो आर्थिक जोखिममा परेको भन्दै नेपाल एशोसिएशन अफ टुर एन्ड ट्राभल एजेन्ट्स (नाट्टा)ले आपत्ति जनाएको छ । भिसा प्रक्रियामा तत्काल सुधार नभए थाइल्यान्डका लागि नयाँ पर्यटकीय प्याकेजको बिक्री, प्रचारप्रसार तथा समूहगत भ्रमणका गतिविधि स्थगित गर्न बाध्य हुने नाट्टाले चेतावनी दिएको छ । साथै नेपाली यात्रु, ट्राभल एजेन्सी तथा पर्यटन व्यवसायीको हित संरक्षणका लागि थाइल्यान्डलाई नेपाली पर्यटकका लागि 'ब्ल्याकलिस्ट डेस्टिनेसन' घोषणा गर्ने चेतावनी पनि नाट्टाले दिएको छ । यो चेतावनी २६ असोजमा काठमाडौंमा जारी गरिएको हो ।