सुदूरपश्चिम बजेटप्रति असन्तुष्टि, नेकपाका गोविन्द बोहराद्वारा पार्टी परित्याग

सुदूरपश्चिम प्रदेश सरकारले सार्वजनिक गरेको आर्थिक वर्ष २०८३/८४ को बजेटप्रति असन्तुष्टि जनाउँदै सत्तारूढ नेपाल कम्युनिस्ट पार्टी (नेकपा) का प्रदेश कमिटी सदस्य गोविन्द बोहराले पार्टी परित्यागको घोषणा गरेका छन्। डडेल्धुराको परशुराम नगरपालिका–८ का पूर्ववडाध्यक्षसमेत रहेका बोहराले मुख्यमन्त्री खगराज भट्टमाथि कमिसनको प्रवृत्तिलाई प्रश्रय दिएको आरोप लगाएका छन्। उनले सोमबार सामाजिक सञ्जाल फेसबुकमार्फत पार्टीको प्रदेश कमिटी सदस्यता त्यागेको घोषणा गरेका हुन्।