आईएमएफले चीनको वृद्धि ४.५ र नेपालको ३.६ प्रतिशत हुने प्रक्षेपण गर्‍यो

अन्तर्राष्ट्रिय मुद्रा कोष (आईएमएफ) ले यस वर्ष चीनको आर्थिक वृद्धिदर ४.५ प्रतिशत रहने प्रक्षेपण गरेको छ । मध्यपूर्वको द्वन्द्वका कारण ऊर्जा मूल्य बढ्नु र घरेलु उपभोग सुस्त हुनुलाई यसको कारण देखाइएको छ । आईएमएफको विश्व आर्थिक परिदृश्य प्रतिवेदनअनुसार सन् २०२६ मा नेपालको आर्थिक वृद्धिदर ३.६ प्रतिशतमा सीमित हुनेछ र आगामी दुई वर्षमा ४ प्रतिशतभन्दा तल रहनेछ । आईएमएफले सन् २०२६ को विश्व आर्थिक वृद्धिको अनुमान बढाएर ३.१ प्रतिशत पुर्‍याए पनि युद्धका कारण बढेको ऊर्जा मूल्यले जोखिम कायम राखेको जनाएको छ ।