काठमाडौँमा मापसे र लापसे गरी सवारी चलाउने १८ चालक कारबाहीमा

दसैँ र तिहारलगायतका चाडपर्वलाई लक्षित गरी काठमाडौँ उपत्यकामा सञ्चालन गरिएको विशेष ट्राफिक चेकजाँचका क्रममा मादक पदार्थ सेवन (मापसे) तथा लागूऔषध सेवन (लापसे) गरी सार्वजनिक सवारी चलाउने १८ जना चालक कारबाहीमा परेका छन्। काठमाडौँ उपत्यका ट्राफिक प्रहरी कार्यालयका अनुसार घटस्थापनाको दिन असोज २५ देखि असोज २७ गते साँझसम्म उपत्यकाका विभिन्न स्थानमा भएको चेकजाँचमा उनीहरूलाई नियन्त्रणमा लिएर कारबाही गरिएको हो। एक समाचारअनुसार सोही अवधिमा मापसे गरी सवारी चलाउने १४९ जना र लापसे गरी सार्वजनिक सवारी चलाउने ९ जना चालक कारबाहीमा परेका छन्।