नेपाल टेलिकम जुम्लाद्वारा ५ हजार ७८९ सिमकार्ड वितरण

नेपाल टेलिकम शाखा कार्यालय जुम्लाले गत आर्थिक वर्ष २०८२/८३ मा ५ हजार ७८९ वटा सिमकार्ड वितरण गरेको छ। कार्यालय प्रमुख पारस पुजाराका अनुसार चालु आर्थिक वर्षको असोज मसान्तसम्म थप १ हजार २१२ वटा सिमकार्ड वितरण गरिएको छ। जिल्लामा १ हजार ७२२ ग्राहकले नेपाल टेलिकमको तीव्रगतिको फाइबर इन्टरनेट सेवा लिएका छन्। हाल जिल्ला सदरमुकाम खलङ्गा बजारमा मात्र सञ्चालनमा रहेको यो सेवा जिल्लाका आठ स्थानीय तहमा विस्तार गर्ने काम भइरहेको छ।