सातै प्रदेशबीच साझा आर्थिक नीति अपनाउन निजी क्षेत्रको आग्रह

विराटनगरमा मंगलबार आयोजित अन्तरप्रदेश मुख्यमन्त्री सम्मेलन–२०८३ का अवसरमा निजी क्षेत्रले सातै प्रदेशबीच साझा आर्थिक नीति, बजार विस्तार र लगानी प्रवर्द्धनमा सहकार्य आवश्यक रहेको बताएको छ। नेपाल उद्योग वाणिज्य महासङ्घ कोशी प्रदेशका अध्यक्ष राजेन्द्र राउतले सातै प्रदेशबीच साझा आर्थिक नीति, बजार विस्तार र लगानी प्रवर्द्धनमा सहकार्य आवश्यक रहेको बताए। उद्योगी व्यवसायीहरूले अन्तरप्रदेशीय आर्थिक सहकार्य, पूर्वाधार विस्तार र लगानीमैत्री वातावरण निर्माणमा सरकारको ध्यानाकर्षण गराएका छन्। साथै उनीहरूले संविधानप्रदत्त निर्वाध व्यापारको अधिकार सुनिश्चित गर्न र दोहोरो कर खारेज गर्न आग्रह गरेका छन्।