सरकारले लोकतन्त्र स्थापनामा योगदान पुर्‍याएका दललाई बेवास्ता गरेको एमाले महासचिव पोखरेलको आरोप

नेकपा (एमाले)का महासचिव शंकर पोखरेलले लोकतन्त्रका आधारभूत मूल्य र मान्यतालाई पूर्ण रूपमा आत्मसात् गर्दै सरकारले आफ्ना गतिविधि अघि बढाउनुपर्ने बताएका छन्। प्रेस चौतारी नेपाल दाङद्वारा मंगलबार घोराहीमा आयोजित पत्रकार सम्मेलनमा उनले मुलुकमा लोकतन्त्र स्थापनाका लागि महत्त्वपूर्ण योगदान पुर्‍याएका प्रतिपक्ष दललाई सरकारले बेवास्ता गरेको आरोप लगाए। पुराना राजनीतिक दलका गल्ती कमजोरीका कारण गत फागुन २१ मा जनताले त्यसरी अग्रसरता देखाएको उनको भनाइ छ।