युक्रेनमा स्टारलिंक सेवा सीमित, सैन्य ड्रोन अभियान प्रभावित

अमेरिकी अर्बपति एलन मस्कको कम्पनी स्पेसएक्सले युक्रेनमा उपलब्ध गराउँदै आएको स्टारलिंक स्याटेलाइट इन्टरनेट सेवामा सीमितता (थ्रोटलिङ) गरेपछि युक्रेनको सैन्य सञ्चार र ड्रोन अभियान प्रभावित भएको छ । युक्रेनी अधिकारीहरूका अनुसार युद्धमा महत्त्वपूर्ण मानिएको स्टारलिंकको गति र पहुँचमा अंकुश लगाइएपछि सैन्य मिसनहरू बाधाग्रस्त बनेका छन् । यसले युक्रेनको कब्जामा रहेका दक्षिणी र पूर्वी भूभागमा रुसी रसद आपूर्तिमा समेत असर पारेको छ । रुससँगको युद्ध जारी रहेका बेला स्टारलिंक सेवामाथिको यो निर्णयलाई लिएर विवाद चर्किएको छ ।