औषधि व्यवस्था विभाग राष्ट्रिय एकद्वार प्रणालीमा आबद्ध

औषधि व्यवस्था विभाग भन्सार विभागले सञ्चालन गरेको राष्ट्रिय एकद्वार प्रणालीमा आबद्ध भएको छ । बिहीबार काठमाडौँमा आयोजित कार्यक्रममा भन्सार विभागका महानिर्देशक यमलाल भुसाल र औषधि व्यवस्था विभागका महानिर्देशक भरत भट्टराईले विभागलाई उक्त प्रणालीमा आबद्ध गरेका हुन् । यस कदमले औषधि आयात तथा नियमनसँग सम्बन्धित प्रक्रियालाई सहज र डिजिटल बनाउन सहयोग पुग्ने अपेक्षा गरिएको छ ।