रम्बास बोट र यसबाट सामग्री बनाउने परम्परागत सीप लोपोन्मुख हुँदै

भिरालो जमिनमा पाइने रम्बास बोट लोपोन्मुख हुँदै गएको छ। खेतबारीको बार लगाउन तथा पशुपालन र दैनिक जीवनमा आवश्यक डोरी, नाम्लो र जाल बनाउन प्रयोग हुने रम्बासबाट सामग्री बनाउने परम्परागत सीप पनि ओझेलमा पर्न थालेको छ। नवदुर्गा गाउँपालिका–४ की शान्ति विष्टका अनुसार यसको काँडेदार पातले खेतबारीलाई गाईबस्तु तथा वन्यजन्तुबाट जोगाउन जीवित बारको काम गर्छ। डोटेली भाषामा रम्बास भनिने यस वनस्पतिको वैज्ञानिक नाम अगाभे अमेरिकाना हो।