मन्त्रिपरिषद्का १३ निर्णय स्वीकृत, बाढीपहिरो प्रभावित परिवारलाई राहत

प्रधानमन्त्री तथा मन्त्रिपरिषद्को कार्यालयमा बसेको मन्त्रिपरिषद् बैठकले नेपाल विशेष सेवा (एक्काइसौँ संशोधन) नियमावली, २०८३ स्वीकृत गर्नेदेखि बाढीपहिरो प्रभावित स्थानीय तहलाई विपद् सङ्कटग्रस्त क्षेत्र घोषणा गर्नेसम्मका १३ निर्णय गरेको छ । सूचना तथा सञ्चारमन्त्री डा विक्रम तिमिल्सिनाका अनुसार विपद् प्रभावित परिवारलाई मासिक १५ हजार रुपैयाँसम्म राहत दिइने र गहुँको समर्थन मूल्य तोकिने निर्णय भएको छ । बैठकले जापान सरकारबाट प्राप्त हुने २९५ मिलियन जापानी येन बराबरको आपत्कालीन अनुदान सहायता र जर्मनीबाट प्राप्त हुने २० मिलियन युरो अनुदान सहायता स्वीकार गर्ने निर्णय पनि गरेको छ ।