घुस आरोपमा पूर्वमन्त्री पाण्डेविरुद्ध कारबाही सिफारिस

पोखरास्थित पद्म नर्सिङ होमलाई १०० शय्याको अनुमति दिने क्रममा ३० लाख रुपैयाँ घुसको बार्गेनिङ गरेको आरोपमा गण्डकी प्रदेशका पूर्वस्वास्थ्यमन्त्री लक्ष्मणबहादुर पाण्डेविरुद्ध कारबाहीको सिफारिस गरिएको छ। एमाले गण्डकी प्रदेश सभा संसदीय दलले गठन गरेको छानबिन समितिले अध्ययन प्रतिवेदन बुझाउँदै यो सिफारिस गरेको हो। सो प्रकरणमा पाण्डेका स्वकीय सचिव यादव पौडेलसमेत मुछिएका छन्। घुस लेनदेनमा आफ्नै पार्टीका सांसदसमेत मुछिएपछि समिति गठन गरिएको थियो।