स्वर्गीय पत्रकार उपाध्यायको परिवारलाई १६ लाखभन्दा बढी आर्थिक सहयोग

स्वर्गीय पत्रकार एवं साहित्यकार वसन्तप्रकाश उपाध्यायको परिवारलाई उपचार तथा आर्थिक सहयोगस्वरूप १६ लाख सात हजारभन्दा बढी रकम सङ्कलन गरिएको छ। तनहुँ अन्तरराष्ट्रिय समाज, तनहुँ समाज अमेरिका र नेपाल अमेरिका पत्रकार सङ्घ (नेजा) को संयुक्त प्रयासमा सङ्कलित कूल १६ लाख सात हजार आठ सय ३२ रुपैयाँ नेपाल पत्रकार महासङ्घमार्फत हस्तान्तरण गरिएको हो। सो रकम उपाध्यायकी धर्मपत्नी इन्दिरा कार्की उपाध्यायलाई उपचार तथा आर्थिक सहयोगका लागि प्रदान गरिएको छ।