रामेछापमा तामाकोशी नदी किनारका फाँटमा धानबाली पहेँलपुर

तामाकोशी किनारका फाँटमा पहेँलपुर धानबाली [फोटोफिचर]

रामेछापको तामाकोशी नदी किनारका फाँटमा धानबाली पाकेर पहेँलपुर भएको छ । दशैँको समयमा धान पाकेपछि किसान बाली काटेर भित्र्याउने तयारीमा जुटेका छन् । नदी किनारका फाँटमा लहलहाएको धानबालीले ग्रामीण क्षेत्रको प्राकृतिक सौन्दर्यसमेत बढाएको छ ।तामाकोशी नदी आसपासका खेतमा पाकेको धानले फाँट पहेँलाम्मे देखिएका छन् । धानका बाला झुलेसँगै किसानलाई वर्षभरि गरेको मेहनतको प्रतिफल भित्र्याउने चटारो शुरू भएको छ । दशैँको रमझमसँगै खेतमा धान काट्ने, सुकाउने र भित्र्याउने कामले ग्रामीण क्षेत्रका किसानलाई व्यस्त बनाएको छ