बिमस्टेक बैठकमा श्रीलङ्काले क्षेत्रीय सुरक्षा सहकार्य सुदृढ गर्न जोड दियो

श्रीलङ्काले बङ्गालको खाडी क्षेत्रमा आतङ्कवाद, लागूऔषध तस्करी, मानव बेचबिखन र साइबर अपराध नियन्त्रण गर्न क्षेत्रीय सुरक्षा सहकार्य सुदृढ गर्नुपर्नेमा जोड दिएको छ। श्रीलङ्काका सार्वजनिक सुरक्षा तथा संसदीय मामिलामन्त्री आनन्द विजेपालाले अक्टोबर १३ मा भारतको नयाँदिल्लीमा आयोजित पहिलो बिमस्टेक गृहमन्त्रीस्तरीय बैठकमा यस्तो बताएका हुन्। उनले सदस्य राष्ट्रबीच समयमै सूचना आदानप्रदान र समन्वय आवश्यक रहेको बताए।